barcud

Cymraeg

Llun o farcud ysgwydd-ddu

Barcudiaid tegan yn hedfan yn yr awyr

Siâp barcud

Cynaniad

• Cymraeg y Gogledd: /ˈbarkɨ̞d/
• Cymraeg y De: /ˈbarkɪd/

Geirdarddiad

Cyfansoddair o'r elfen gyntaf *barg- (fel yn bery ‘aderyn ysglyfaethus’ a'r Hen Wyddeleg berg ‘anrhaith; ysbeiliwr’) a'r ail elfen cud, cut ‘barcud’ (gweler cudyll). Cymharer â'r Gernyweg bargos ‘boda, cudyll’ a'r Llydaweg barged ‘barcud’.

Enw

barcud g (lluosog: barcudiaid)

1. (adareg) Unrhyw aderyn ysglyfaethus canolig ei faint yn yr is-deulu Milvinae neu yn y genws Elanus o'r teulu Accipitridae sydd ag adennydd hirion, cynffon fforchog a phig gwan ac sy'n bwydo ar drychfilod ac ymlusgiaid bychain yn bennaf. Treuliant llawer o'u hamser yn esgyn uwchben y tir.
2. (trwy gydweddiad) Tegan ysgafn ar dennyn sydd yn cael ei gario gan y gwynt ac a gaiff ei reoli gan berson sy'n sefyll ar y ddaear gan un llinyn neu fwy.

Amrywiadau

• barcut

Termau cysylltiedig

• tarddeiriau: barcuta, barcutaidd
• barcud brych
• barcud coch
• barcud du'r rhos
• barcud glas
• barcud gwynt
• barcud papur
• barcud ysgwydd-ddu
• barcud y môr
• llygad barcud

Cyfieithiadau

Almaeneg: 1. Milan g; 2. Drachen g Cernyweg: 1. skowl g; 2. sarf neyja b Eidaleg: 1. nibbio g; 2. aquilone g Ffrangeg: 1. milan g; 2. cerf-volant g Gaeleg yr Alban: 1. clamhan g; 2. iteileag b Groeg: 1. τσίφτης (tsíftis) g; 2. χαρταετός (chartaetós) g Gwyddeleg: 1. cúr g; 2. eitleog b Iseldireg: 1. wouw g; 2. vlieger g

Llydaweg: 1. barged g; 2. sarpant-nij g Pwyleg: 1. kania b; 2. latawiec g Saesneg: 1./2. kite Sbaeneg: 1. aguililla b, milano g; 2. cometa b, papalote g